Меѓу „спасените“ беа и ќерката на сегашен македонски министер, роднини на опозициските пратеници, но и познати јавни личности, јавува бугарската агенција
До 5 јуни, 15 237 Македонци биле „однесени дома“ за време на пандемијата на коронавирус благодарение на 24-часовните напори на бугарската дипломатија, објави бугарската агенција БГНЕС.
Оваа бројка, како што се посочува, се однесува до 5 јуни, а секако е зголемена за најмалку уште 1 000 луѓе, „затоа што секој ден меѓу 250 и 350 Македонци се враќаат во нашата земја“.
„Сè почна во ноќта на 14 март, кога светот се ‘затвори’ и илјадници Македонци останаа заробени на аеродромите, железничките станици и граничните премини во Азија, Блискиот Исток, Европа и Северна Америка. До 15 април, за само еден месец – благодарение на нашите дипломатски мисии ширум светот и особено оние во Европа, 7 523 Македонци се вратени само преку аеродромот во Софија. Имаше случаи кога наутро ги повикувавме бугарските конзули во 4 часот. Сосема непристојно, но моравме да однесеме стотици ‘заробени’ сонародници до границите“,
изјавила вработена во македонското МНР за БГНЕС.
Агенцијата ја пренесува изјавата на, како што вели, долгогодишен дипломат кој инсистира на анонимност, кој изјавил: „Меѓу ‘спасените’ беа и ќерката на сегашен македонски министер, роднини на опозициските пратеници, но и познати јавни личности.