Со тоа конечно им се излезе во пресрет на потребите на голем број наши граѓани во странство кои поради пандемијата, рестриктивните мерки, карантините, и другите отежнати услови, беа спречени навремено да ги продолжат своите документи
Одлична вест за нашите граѓани во странство. Собранието штотуку ги помина измените и дополнувањата на законот за патни исправи со кои на оние граѓани на кои им е истечена патната исправа, или истекува по 31 јули, се продолжува рокот на важење на овие документи до 31 декември 2021, напиша на Фејсбук министерот за надворешни работи Бујар Османи.
Со тоа, како што посочува, конечно им се излезе во пресрет на потребите на голем број наши граѓани кои поради пандемијата, рестриктивните мерки, карантините, и другите отежнати услови, беа спречени навремено да ги продолжат своите документи.
„Продолжуваме понатаму и со проектот за е-конзулат, со мобилни базни станици, со кои наскоро целосно и долгорочно ќе го затвориме прашањето за издавање патни исправи во странство“,
пишува Османи.