Еврокомесарот за соседство и проширување Оливер Вархеји смета дека по усвојувањето на ревидираната методологија за процесот на пристапување и по денешната презентација на ажурираните извештаи за напредокот на Албанија и на Северна Македонија, на двете земји треба да им се отвори европската перспектива.
„Земјите ги засилија своите активности и испорачаа опипливи резултати во клучните области утврдени во Заклучоците на Советот од јуни 2018 година. Комисијата останува цврсто на својата препорака за отворање на пристапните преговори со Албанија и со Северна Македонија и се надевам дека земјите членки ќе донесат позитивна одлука во наредните недели“,
вели во својата изјава еврокомесарот Вархеји.
*ПОВРЗАНА ВЕСТ: ЕК го објави мини-извештајот – Северна Македонија ги зајакна реформите и треба да почне преговори