Вархеји, меѓу другото, повика бугарскиот парламент да го исполни својот ангажман и да го стави предлогот на Северна Македонија и Албанија на агендата за одобрување
Сега е моментот за одговорни одлуки – Западен Балкан треба да биде дел од нашата Европска Унија, порача утрово на Твитер еврокомесарот за проширување и соседска политика Оливер Вархеји во пресрет на одржувањето на Самитот на ЕУ-Западен Балкан денеска во Брисел.
„Европската Унија многу сериозно ги сфаќа сите бугарски грижи и тие сега се дел од преговарачкиот процес. Сега е моментот за одговорни одлуки. Западниот Балкан треба да биде дел од нашата Европска Унија. Заедно ќе бидеме посилни“,
наведе Вархеји во пресрет на Самитот ЕУ-Западен Балкан во Брисел.
#EU takes all Bulgarian concerns very seriously and they are now part of the negotiation process. The moment for responsible decisions is now. #WesternBalkans should be part of our #EuropeanUnion. We will be stronger together.
— Oliver Varhelyi (@OliverVarhelyi) June 23, 2022
Вархеји, меѓу другото, повика бугарскиот парламент да го исполни својот ангажман и да го стави предлогот на Северна Македонија и Албанија на агендата за одобрување, како што е предложено.
„Ги повикуваме бугарскиот парламент и сите страни да го исполнат својот ангажман и да го стават предлогот на Северна Македонија и Албанија на агендата на парламентот за одобрување денес како што е предложено. Опозициската ГЕРБ на Бојко Борисов веќе покажа лидерство ставајќи го предлогот на маса. Треба сите да го направат истото. ЕУ треба да оди напред“,
додава еврокомесарот.
We urge 🇧🇬 Parl & all parties to fulfill their engagement & to put the proposal on 🇲🇰 & 🇦🇱 on agenda of Parl for approval today as proposed. Opposition #GERB @BoykoBorissov already showed leadership by putting the proposal on table. We need everybody to do same. EU needs to move.
— Oliver Varhelyi (@OliverVarhelyi) June 23, 2022
Претходно вчера лидерот на бугарската опозициска партија ГЕРБ, Бојко Борисов, соопшти дека францускиот предлог е прифатлив за неговата партија, а неговиот потег беше поздравен од еврокомесарот Вархеји.
Сепак, седницата на Комисијата за надворешни работи на бугарското Национално собрание на која требаше да се расправа за нацрт-билатералниот протокол меѓу Бугарија и Република Северна Македонија беше одложена по барање на опозициските партии за ова прашање прво да се изјасни владата.