Поради инцидентот, сообраќајот на железничката линија Велес-Скопје е во прекин
Вагон излизгал од шините кај железничката станица „Кадина Река“, од левата страна на реката Вардар. Станува збор за патничкиот воз кој утрово тргнал од Гевгелија кон Скопје и во несреќата нема повредени лица.
Несреќата се случила утрово околу 7 часот.
Како што информираат од „Македонски железници – транспорт“ во моментот на несреќата во возот имало 150 патници, но ниту еден не е повреден.
„Сите патници со друг воз се префрлени во Скопје“,
информираат од „Македонски железници – транспорт“.
Поради инцидентот, сообраќајот на железничката линија Велес-Скопје е во прекин.