Утрешната ќе биде втора заедничка владина седница на Северна Македонија и Албанија. Првата се одржа во 2017 помеѓу тогашните влади на Заев и Рама
Утре во центарот на Скопје ќе има посебен сообраќаен режим, а причината е пристигнувањето на делегација на албанската влада предводена од премиерот Еди Рама.
„СВР Скопје ќе преземе мерки за посебен режим на сообраќајот по сообраќајниците на поширокото централно подрачје на Скопје. Апелираме до граѓаните да ги почитуваат наредбите што ги издаваат полициските службеници по сообраќајниците каде што ќе биде воспоставен посебен режим на сообраќајот“,
апелираат од МВР.
Владите на Албанија и Северна Македонија утре ќе одржат заедничка седница во Скопје. Одлуката за нејзино одржување нашата Влада ја донесе на 8 ноември, по предлог на Министерството за политички системи и односи меѓу заедницата.
Ова ќе биде втора заедничка владина седница на Скопје и Тирана откако првата се одржа на 15 декември 2017 година во Поградец, Албанија, помеѓу тогашните влади на Зоран Заев и Еди Рама.