Утре ќе се дискутира за барањето на родителите на деца со аутизам во врска со тоа да им се дозволи да излегуваат во време на полицискиот час во претстојните денови, особено за празникот кога забраната е продолжена на неколку дена.
Министерот за здравство Венко Филипче рече дека при одлучувањето ќе се има предвид потребата на овие деца да се движат, особено што тоа е и дел од нивната терапија.
Владата донесе одлука за ограничувањата на движењето на граѓаните за периодот што претстои, вклучително и за велигденските празници.
За време на викендот, вклучително и понеделник, од петок 17 април во 16 часот до вторник 21 април во 5 часот, се забранува движењето за сите граѓани на територијата на целата држава.