Посебниот сообраќаен режим на улиците околу Соборниот храм ќе биде поради најавено одржување на настан за одбележување на Бадник и ќе трае од 10 часот па се до завршување на настанот
Утре, од 10 часот сообраќајниците околу соборниот храм „Св. Климент Охридски“ во Скопје ќе бидат затворени за сообраќај поради одбележување на Бадник.
„Утре поради најавено одржување на настан за одбележување на Бадник во Скопје, од 10 часот, па се до завршување на настанот, за сообраќај ќе бидат затворени сообраќајниците околу соборниот храм ‘Св.Климент Охридски’ и тоа од објектот на ‘Пошта на РСМ’ до крстосницата кај Соборниот храм и од крстосницата кај Соборниот храм до зградата на Владата на РСМ“,
се вели во соопштението на МВР.
Оттаму велат дека Одделението за безбедност на патниот сообраќај при СВР Скопје ќе преземе мерки за пренасочување на сообраќајот, како и мерки за посебен режим на сообраќајот на околните сообраќајници.