Седуммина момчиња обвинети за учество во толпа што ќе стори кривично дело, поради инциденти на протестите против францускиот предлог, признаа вина пред Судот и добија условни казни затвор од две години, кои нема да се извршат доколку тие во наредните четири години не сторат ново кривично дело.
Обвинетите се гонеа оти ја откорнале заштитната ограда на Собранието, од каде со камења, бекатон плочки, железни предмети, сообраќајни знаци, корпи за отпадоци и пиротехнички средства фрлале кон полициските службеници распоредени во кордон за заштита на зградата на Собранието при што десетици полицајци се здобиле со телесни повреди.
Собранието пријавило штета од околу 9 500 евра, што ќе треба да ја платат осудените.