Меѓу повратниците има и наши државјани кои биле затекнати во Австрија. Сите ќе бидат сместени во државен карантин
Конвој со вкупно 50 македонски државјани доцна синоќа тргна од Словенија за Северна Македонија, јави МИА од Љубљана.
Во конвојот има 13 македонски државјани кои немале свои возила и 19 државјани со 11 возила. На нив им се придружија уште 19 македонски граѓани од Австрија кои исто така сакаат да се вратат дома. За лицата без автомобили беше обезбеден автобус. Сите тие поради коронавирусот и затворањето на границите беа затекнати во Словенија и во Австрија.
И овој конвој го организираат министерствата за надворешни работи на Северна Македонија и Словенија, со директна асистенција на Амбасадата на Северна Македонија во Словенија.
Според планот, сите граѓаните уште денеска ќе стигнат во нашата земја по што ќе бидат сместени во државен карантин.
*поврзана вест:Влада: Вратени се повеќе од 3 000 граѓани затекнати во странство