Украина во последните неколку недели предупреди дека со наближување на зимата, Русија повторно ќе ја таргетира критичната цивилна инфраструктура, како што направи минатата година со уништување инсталации и оставање на населението без струја и греење
Војската на Украина уништила осум од девет беспилотни летала лансирани од Русија минатата ноќ, а Москва соопшти дека нејзината одбрана спречила напад од дваесет беспилотни летала над руските региони. Украинските воени служби засега не објавија извештаи за штети или остатоци од соборените беспилотни летала.
Нападот бил извршен од југоисток, еден ден по најголемиот руски напад со беспилотни летала од почетокот на војната.
Украина во последните неколку недели предупреди дека со наближување на зимата, Русија повторно ќе ја таргетира критичната цивилна инфраструктура, како што направи минатата година со уништување инсталации и оставање на населението без струја и греење.
Градоначалникот на Москва: Имаше обид за масовен напад со дронови
Киев, главниот град на Украина, вчера беше нападнат од 70 руски беспилотни летала, при што беа ранети пет лица, меѓу кои и едно единаесетгодишно девојче. Овој најмасовен напад со дрон Москва го изврши на денот кога Украина ја прославуваше 90-годишнината од Гладоморот, вештачки предизвикан глад со кој тогашната советска влада, доминирана од Русија, уби милиони Украинци.
Русија соопшти дека спречила голем напад на украински беспилотни летала над неколку области, од кои најмалку 20. Руското Министерство за одбрана соопшти дека собориле украински беспилотни летала над регионите Москва, Тула, Калуга и Бринск.
„Едно лице е повредено во Тула кога пресретнат дрон удрил во станбена зграда“,
изјави гувернерот на тој регион, Алексеј Дјумин.
Обид за масовен напад со дронови имаше синоќа, информира градоначалникот на Москва, Сергеј Собјанин.
Украинскиот весник „Комерсант“ објави дека летовите од главните аеродроми во Москва биле одложени или откажани поради напади со беспилотни летала.