Извор на главната управа на украинското воено разузнавање (ХУР) за РСЕ изјавил дека дронови на украинската морнарица го погодиле рускиот патролен брод „Сергеј Котов“ на Крим предизвикувајќи значителна штета. Од руска страна засега не ги коментираат наводите за овој напад
Украинската противвоздушна одбрана утрово соборила 18 од 22 беспилотни летала лансирани од Русија кон градот Одеса на југот на земјата, соопшти украинската војска.
Според информациите на армијата, нападот бил главно насочен кон станбени и индустриски области на црноморскиот пристаништен град.
Одеса беше цел на масивен руски напад во саботата викендов во кој загинаа 12 луѓе, од кои три беа деца.
Од друга страна, пак, руското Министерство за одбрана објави дека нивните сили за противвоздушна одбрана уништиле три украински беспилотни летала над регионот Белгород, кој се наоѓа во близина на границата со Украина.
Официјален Киев не ги коментира ваквите наводи на руското министерството.
Извор на главната управа на украинското воено разузнавање (ХУР) утрово за Радио Слободна Европа (РСЕ) изјавил дека дронови на украинската морнарица го погодиле рускиот патролен брод „Сергеј Котов“ на Крим, полуостровот кој Москва го анектира во 2014 година. Според тврдењата при нападот на бродот била предизвикана значителна штета.
Претходно на социјалните мрежи беше објавено дека нападот на патролниот брод се случил ноќеска во пристаништето „Феодосија“.
⚡️The moment the ??Russian patrol ship of the project 22160 “Sergei Kotov” was hit by a kamikaze naval drone. Russian channels say that the ship was attacked near Feodosia last night. pic.twitter.com/hVZc4DdYqF
— ??Ukrainian Front (@front_ukrainian) March 5, 2024
На видеоснимка објавена на социјалната платформа Икс наводно се гледа моментот кога дроновите удираат во бродот и предизвикуваат голема експлозија.
Од руска страна засега не ги коментираат наводите за овој напад.