Руското Министерство за одбрана на Телеграм соопшти дека вкупно 128 украински беспилотни летала биле соборени над руска територија
Украина го нападна јужниот руски регион Краснодар со голем број беспилотни летала во текот на ноќта, оштетувајќи неколку куќи, вклучително и една во црноморското пристаниште Туапсе, соопштуваат руските власти. Три станбени згради се оштетени низ регионот и нема извештаи за повредени, објави гувернерот Вениамин Кондратиев на апликацијата Телеграм.
Според градоначалникот на Туапсе, Сергеј Боико, од нападите во градот се запалила куќа, но пожарот навреме бил изгаснат.
Ројтерс пренесува оти рускиот медиум SHOT објавува дека украинските беспилотни летала ја гаѓале областа на пристаништето и дека жителите слушнале приближно 40 експлозии и мислеле дека тоа е звук на системи за противвоздушна одбрана. Но, сепак меѓународната новинска агенција вели дека не може да ја потврди информацијата на овој медиум и оти засега нема коментар од Украина.
Руското Министерство за одбрана на Телеграм соопшти дека вкупно 128 украински беспилотни летала биле соборени над руска територија.
„Руските одбранбени единици во напад во текот на ноќта уништија 83 украински беспилотни летала над јужниот регион Краснодар во кој беа оштетени неколку куќи“, се вели во објавата на министерството.
Руската агенција за воздухопловство „Росавијација“ на Телеграм објави дека блискиот меѓународен аеродром во Сочи, на околу 150 километри југоисточно од Туапсе, од синоќа е затворен за сообраќај поради безбедносни причини.
/1. Russian media report that around 2 a.m. on February 28. Two drones with explosives attacked the Rosneft oil depot near the city of Tuapse. Distance to the territory controlled by Ukraine from there is +430km. pic.twitter.com/lfXDzv0m6J
— Special Kherson Cat 🐈🇺🇦 (@bayraktar_1love) February 28, 2023