Во видеото мајката вели дека таа и нејзината ќерка биле во станот кога се огласиле сирените за воздушен напад
Антон Герашченко, советник на украинскиот министер за внатрешни работи, објави видео од разговор со мајка и ќерка кои вчера успеале да се спасат од рускиот ракетен напад, во кој настрадала станбената зграда во Киев каде што живееле.
Во видеото мајката вели дека таа и нејзината ќерка биле во станот кога се огласиле сирените за воздушен напад:
„Видов известување дека се лансирани проектили. Ќерка ми ја грабна мачката, ги зедов документите и успеавме да се симнеме до подрумот“.
Mother and daughter who lived in the building hit by a Russian rocket in Kyiv yesterday, tell their story.
— Anton Gerashchenko (@Gerashchenko_en) November 16, 2022
They are from Kherson region, and arrived to Kyiv several weeks ago. The apartment they were staying in was on fire. They only managed to save their cat. pic.twitter.com/COkuVUU4IL
Недолго потоа слушнале експлозија и излегле од подрумот кога почувствувале чад во воздухот:
„Кога излеговме, ја обиколив зградата и видов дека гори. Му се јавив на сопругот и му кажав дека нашиот стан е во пламен. Истрчавме до блискиот надвозник и останавме таму“.
Мајката и ќерката инаку, се од Херсон, градот од кој побегнале пред руската окупација.