Причинета е голема материјална штета од околу 25 илјади евра, а со кражбата на просторниот кабел се доведува во прашање безбедноста на железничкиот сообраќај, информираат од Железници
Службите на „Македонски железници“ откриле дека се украдени просторен и СТ-кабел на потегот од Маџари кон Скопје.
„Просторен кабел кој служи за регулирање на железничкиот сообраќај и СТ-кабел за сигнализација и телефонија во должина од 300 метри се украдени на потегот од Маџари кон Скопје“,
информираат од „Македонски железници“.
Оттаму додаваат дека е причинета голема материјална штета од околу 25 илјади евра и дека со кражбата на просторниот кабел се доведува во прашање безбедноста на железничкиот сообраќај.
„Кражбата е откриена синоќа при редовната обиколка на службите на Железници, а случајот е пријавен во Министерството за внатрешни работи“,
додаваат од „Македонски железници“.