Турција донесе одлука со која се забранува пуштење на отворено како една од мерките против ширењето на новиот коронавирус. Образложението е дека со оваа одлука луѓето нема да имаат потреба да ги вадат заштитните маски за да пушат цигари.
„Со цел да се осигура дека маските се носат на вистински начин, стапува во сила забраната за пушење на отворено. Ова се однесува на улиците и булеварите каде што протокот на луѓе на дневно ниво е огромен”,
додаде Министерството.
Министерот за здравство, Фахретин Коџа, вчера ги замоли граѓаните да носат маска над носот и да одржуваат физичко растојание.
„Ве молам, само направете го она што можете. Ништо повеќе од тоа”,
напиша Коџа на Твитер.
На почетокот на оваа недела беше воведен полициски час во Истанбул и Анкара за лица постари од 65 години, на кои им е забрането да излегуваат на улица од 22 до 4 часот наутро.
Бројот на новозаразени во Турција се зголемува од ден на ден, па денеска се регистрирани 2 693 нови случаи. Но властите се изложени на критики, бидејќи ги евидентираат само лицата со симптоми.