Вицепремиерката и потпретседателка на СДСМ, Мила Царовска, во интервју за „360 Степени“ зборуваше за третиот сет економски мерки и одговараше на прашање дали тоа не е изборен поткуп.
„Сигурна сум дека социјалниот систем не значи изборен поткуп. Тоа е за поттикнување на јавната потрошувачка. Заради тоа што граѓаните кои се најранливи, а тоа се приматели на гарантиран приход, оние што се невработени, ќе добијат картички со коишто ќе треба да си обезбедат производи за дома. И на тој начин ја поттикнуваме личната потрошувачка којашто навистина значи многу во движењето на нашата економија“,
вели Царовска.
Таа вели дека граѓаните треба да ги очекуваат картичките во текот на јуни и јули, но, како што вели, тоа не треба да се поврзува со изборите бидејќи станува збор за придвижување на економијата.