Инвеститорот на комплексот „Космос“, чие рушење е предмет на судење во случајот ТНТ, Фијат Цаноски, не е убеден дека поротничката самоволно си дала оставка, со што ќе дојде до промена во судечкиот совет, а со тоа предметот ќе се врати на повторно судење.
„Се сомневам дека поротничката самоволно дала оставка, туку сметам дека е поткупена од мафијата која владее во Македонија или поради некои закани. Јас, сепак, верувам во правосудниот систем и верувам дека овој процес многу бргу ќе се заврши иако почнува од почеток“,
рече Цаноски посочувајќи дека мисли на мафијата на Никола Груевски.
Бизнисменот смета дека одбраната во ТНТ настојува да го одолговлекува судењето затоа што се надева дека со „сваровски-судското“ ќе се спаси.
„Одбраната настојува да ги пролонгира сите овие судења, очекуваат дека ќе победат на изборите и повторно ќе завладее ‘сваровски-судството’, па така ќе се спасат од криминалите што ги направиле. Верувам дека судот ќе си ја сработи работата со почетокот на повторното судење и дека може многу бргу да се заврши“,
смета Цаноски, кој одговарајќи на новинарско прашање рече дека е убеден оти однесувањето во судницата на одбраната е под команда на Груевски од Будимпешта.
Судењето за ТНТ, каде што со Груевски обвинети се и ексминистерот Миле Јанакиески, поранешниот градоначалник на Гази Баба, Тони Трајковски и уште четири лица кои биле дел до процесот на рушење на „Космос“, беше пред самиот крај. До пресуда останаа само распит на уште петмина обвинети и завршни зборови.
Но, сега тоа повторно ќе се врати на почеток. Каков ќе биде новиот старт зависи од одбраната која има две опции: само да се прочитаат досега изведените материјали и вербални докази или сите докази да се изведуваат одново и сите сведоци да бидат повикани повторно да сведочат.
*Поврзана вест:
Поротничката си даде неотповиклива оставка, ТНТ со нов почеток – од одбраната зависи каков