Несреќата се случила кога двокатен автобус на туристичка агенција од Ниш, во кој имало 78 патници, директно се судрил со автомобил во кој се превезувале четири лица. Тројца сопатници од автомобилот загинале, а четвртиот е тешко повреден. Откако се судрил со автобусот, автомобилот потоа удрил во друго возило, во кое биле жена и дете кои не се повредени
По сообраќајната несреќа, автопатот од границата со Северна Македонија е затворен за сообраќај и во двата правци, а возилата се пренасочуваа кон стариот пат, јавува дописничката на МИА од Атина
Три лица загинаа, а десетици се повредени во сообраќајна несреќа што рано утрово се случила во северниот дел на Грција, во близина на границата со Северна Македонија. Во несреќата учестувале туристички автобус од Србија, кој се превртел и две патнички возила. Поради тешката несреќа, патот од 6:30 часот утрово е затворен за сообраќај, јави дописничката на МИА од Атина.
Сообраќајната несреќа, како што пренесува РТС, се случила утрово околу 5 часот на главниот пат меѓу Евзони и Солун кај Поликастро.
До неа дошло кога двокатен автобус на туристичка агенција од Ниш, во кој имало 78 патници, директно се судрил со автомобил во кој се превезувале четири лица.
Тројца сопатници од автомобилот загинале, а четвртиот е тешко повреден.
Портпаролот на локалната противпожарна бригада, Јанис Артопојос изјавил дека од еден од двата автомобили биле извадени три лица во несвест. Од истиот автомобил е извадено и четврто тешко повредено лице. Од вториот автомобил се извлечени две тешко повредени лица. Вториот автомобил го управувала српска државјанка со дете, пишува грчкиот портал „Екатимерини“.
Според грчкиот портал околу 20 лица се повредени во туристичкиот автобус, додека пак српските медиуми претходно објавија дека во несреќата се повредени најмалку 40 лица.
Според возачот на автобусот, автомобилот со четворица патници се движел во спротивен правец кога наеднаш удрил во автобусот. Автобусот се превртел и паднал во канал покрај патот, додека автомобилот со четворица патници бил целосно уништен од ударот, пишува Н1.
Директорот на националната асоцијација на туристички агенции во Србија – ЈУТА, Александар Сеничиќ за Н1 изјавил дека сообраќајката се случила кога возачот на автомобил со грчки таблички заспал на воланот и удрил во автобусот со српски туристи.
Повредените се здобиле со различни повреди, а откако им била укажана итна медицинска помош тие се префрлени во болница во Солун и во Поликастро.
На местото на несреќата, според медиумите, излегле полиција, пожарникари со шест возила, 12 амбулатни возила и три мобилни медицински екипи.
По сообраќајната несреќа, автопатот од границата со Северна Македонија е затворен за сообраќај и во двата правци, а возилата се пренасочуваа кон стариот пат, јавува дописничката на МИА од Атина.