„Медицинските лица ја потврдија смртта на три жртви, меѓу кои две жени и еден маж. Двете убиени жени во престрелката биле на 60-годишна возраст, додека мажот на околу 40 години“, велат од МДА
Најмалку три лица се загинати во напад на автобус со Израелци на Западниот Брег, објави израелската национална служба за итни случаи Маген Дејвид Адом (МДА).
Во нападот што се случил во палестинското село Ал-Фундук, на еден од главните патишта исток-запад, повредени се осум лица.
„Медицинските лица ја потврдија смртта на три жртви, меѓу кои две жени и еден маж. Двете убиени жени во престрелката биле на 60-годишна возраст, додека мажот на околу 40 години“,
велат од МДА.
Според МДА, меѓу повредените е и возачот на автобусот кој имал тешки повреди, а од останатите пет лица се со полесни повреди.
🚨BREAKING: 3 killed, 8 injured in shooting attack on Route 55 near Al-Funduq (between Karnei Shomron & Kedumim). Bus driver seriously wounded, 2 moderate, 5 mild injuries. pic.twitter.com/DbKLOZAO4j
— Magen David Adom (@Mdais) January 6, 2025
Се уште не е познат идентитетот на напаѓачите и убиените.
Израелското воено радио објави дека војската ги опколила сите села во областа во потрага по осомничените. Се верува дека осомничените побегнале во едно од блиските палестински села.
Израелскиот премиер Бенјамин Нетанјаху вети дека ќе ги изведе пред лицето на правдата сторителите и сите оние кои им помогнале.
„Ќе дојдеме до одвратните убијци и ќе ги повикаме на одговорност, како и секој што им помогнал. Никој нема да се извлече“,
пишува Нетанјаху на Икс.
PM Netanyahu:
— Prime Minister of Israel (@IsraeliPM) January 6, 2025
"We will find the abhorrent murderers and settle accounts with them and with all those who aided them. No one will get away."