Трамп ѝ воведе царини на Македонија поради скандалите на претходната власт и лицата кои се на црната листа на САД, сметаат од „Вреди“

„Америка не ги зголемува таксите без причина. Пораката на Вашингтон е јасна: повеќе не можат да се толерираат корупцијата и злоупотребата на власта“, порачаа од „Вреди“

Главната причина зошто Северна Македонија се соочува со повисоки такси од САД не е поврзана само со економските фактори, туку пред сè со расипувањето на имиџот на државата на меѓународната сцена, сметаат од владејачката коалиција „Вреди“. Тоа, пак, додаваат од „Вреди“, е директен резултат на недоличното владеење и скандалите на поранешната власт, вклучително и функционери на ДУИ, кои сега се на американската црна листа.

„Америка не ги зголемува таксите без причина. Пораката на Вашингтон е јасна: повеќе не можат да се толерираат корупцијата и злоупотребата на власта. И кои се оние кои најмногу ја нарушија довербата на западните сојузници во оваа земја? Токму оние кои две децении ги злоупотребуваа институциите и денес се кријат зад празната реторика или онаа со бесмислен национализам. Наместо да жалат за последиците од своите постапки, поранешните функционери на ДУИ и другите треба да им се извинат на граѓаните за големата штета што ја нанеле. На Северна Македонија и требаат нови политики, сериозен пристап кон економијата и обнова на односите со меѓународните партнери, а не лицемерство од оние што ја уништија оваа земја“,

порачаа од „Вреди“.

Американскиот претседател Доналд Трамп на земјава ѝ воведе царински давачки од 33 проценти, што е половина од 65 проценти македонски царини за американски производи увезени во државата кои ги пресметала администрацијата во САД.

Трамп воведе царини за увоз во САД: За Северна Македонија ќе изнесуваат 33 отсто

Воведените царини, според Владата, биле очекувана одлука која, како што оценија оттаму, нема да има големо влијание врз нашата економија.  

Владата за царините на Трамп: Она што за некои сега е шок, за други ќе значи можност

Како ќе влијае воведувањето царински давачки од администрацијата на Трамп вчера анализираа учесниците економисти на дебатата „Финансиски трендови на глобалните пазари и ефектите врз локалната економија“, во организација на „ЕОС Матрикс Македонија“ во рамките на платформата „Фајнанс толкс бај ЕОС“. Нивните прогнози се дека воведувањето царини од 33 отсто за извоз на производи од земјава во САД нема да има значително директно негативно влијание.

Директните ефекти врз домашната економија ќе бидат мали, потребна е потрага по нови пазари – велат економистите за царините на Трамп