Американскиот претседател изјави дека го откажал нападот откако сојузниците му рекле дека договорот со Иран е блиску
Доналд Трамп најави нов круг разговори со ирански претставници откако привремено ги откажа понатамошните напади врз Иран. Преговорите треба да се одржат денеска најави Трамп пред новинарите во претседателскиот авион додека патуваше од Њу Џерси за Вашингтон, без да прецизира каде ќе се одржат и колку долго би можеле да траат.
Тој повтори дека американската војска во последен момент се откажала од плановите за нов бран напади врз Иран по апелите од Саудиска Арабија, Обединетите Арапски Емирати, Катар и Иран.
„Планираниот напад би бил најголемиот напад од Втората светска војна и би бил катастрофален за нив“,
рече Трамп.
Иран и САД во средината на јуни се договорија за рамковен договор со цел да се стави крај на војната што почна во крајот на февруари.
Понатамошните детали требаше да се разработат во текот на 60-дневен преоден период, иако сомнежите за одржливоста на договорот се појавија уште од самиот почеток и двете страни оттогаш извршија повеќекратни големи напади.