Претседателот на САД, Доналд Трамп, нема да воведе карантин во Њујорк, јавуваат американските медиуми. Трамп за оваа одлука соопшти и на својот профил на Твитер.
„Нема да има потреба од карантин“,
напиша тој.
Имаше бурни реакции откако вчера Трамп изјави дека размислува да воведе карантин во државите Њујорк, Њу Џерси и Конектикат за намалување на ширењето на коронавирусот.
Трамп рече дека размислува за карантин, но истовремено повика и на што побрзо закрепнување на економијата.
Според последните податоци на „Ворлд о метерс“, во САД има 123 илјади заболени лица со коронавирусот. Од нив починале вкупно 2.229, а 3.231 се оздравени.
Во последниве 24 часа, здравствените власти во САД потврдиле уште 198 нови случаи на ковид-19.