ТикТок и неговиот сопственик БајДанс (ByteDance) се борат да ја задржат популарната апликација достапна во САД, откако Конгресот во април гласаше да се забрани, освен ако кинеската матична компанија не го продаде ТикТок до 19 јануари
Новоизбраниот американски претседател Доналд Трамп го повика Врховниот суд на САД да го запре спроведувањето на федералниот закон за ТикТок со кој би се забранила популарната социјална мрежа или да се принуди на продажба и рече дека како претседател ќе бара „политичко решение“ за проблемот.
ТикТок и неговиот сопственик БајДанс (ByteDance) се борат да ја задржат популарната апликација достапна во САД, откако Конгресот во април гласаше да се забрани, освен ако кинеската матична компанија не го продаде ТикТок до 19 јануари.
Тие побараа укинување на тој закон, а Врховниот суд се согласи да го истражи случајот.
Меѓутоа, доколку судот не пресуди во корист на БајДанс и продажбата не се случи, апликацијата би можела да биде забранета во САД на 19 јануари, ден пред Трамп да ја преземе функцијата.
„Овој случај претставува невидена, нова и сложена тензија помеѓу правото на слобода на говор, од една страна и загриженоста за надворешната политика и националната безбедност од друга“,
рече Трамп во петокот.
Трамп на почетокот на оваа недела укажа дека поддржува ТикТок да продолжи да работи во САД барем на некое време, истакнувајќи дека имал милијарди прегледи на социјалната мрежа за време на неговата претседателска кампања.
Американското Министерство за правда тврди дека кинеската контрола над ТикТок претставува континуирана закана за националната безбедност.