На факултетите каде постои можност за целосна примена на протоколот за полагање испити на високообразовните установи, во согласност со мерките за заштита од ковид-19, може да се одржуваат предавања, вежби, индивидуалната настава и други облици кои се соодветни на специфичноста на наставно – научната и уметничката област, консултативно – инструктивната настава, индивидуална студиска работа (истражување на литература, семинарски задачи, проектна работа), полагање на испитите и колоквиумите, како и одбраната на дипломска, магистерска теза и докторски трудови со физичко присуство на студентите.
Ваква одлука денеска донесе Владата на седницата, со што ја дополни Уредба со законска сила за дополнување на Уредбата со законска сила за примена на Законот за високото образование за време на вонредна состојба.
Со денешните измени се предвидува и можноста за враќање на работните места на вработените во Стручната служба, ако за тоа постои можност за примена на протоколот.