Ова е прва посета на шефот на НАТО на Украина откако Русија ја започна воената инвазија
Генералниот секретар на НАТО, Јенс Столтенберг, денеска е во ненајавена посета на Киев – прва негова посета на Украина од почетокот на руската воена инвазија, објави Ројтерс.
Новинската агенција објави дека Столтенберг им оддал почит на украинските војници кои загинале борејќи се во војната и ја разгледал оштетената руска воена опрема изложена на централниот плоштад во Киев.
„Киев индепендент“ на својот официјален профил на Твитер објави фотографии од Столтенберг во центарот на украинската престолнина.
⚡️Jens Stoltenberg arrives in Kyiv.
— The Kyiv Independent (@KyivIndependent) April 20, 2023
The NATO Secretary-General was seen by a Kyiv Independent journalist on the morning of April 20 paying tribute to fallen Ukrainian soldiers on St Michael’s Square in central Kyiv. pic.twitter.com/QhY515J305
Се очекува шефот на НАТО подоцна да има средба со украинскиот претседател Володимир Зеленски.