Градоначалникот на Општина Гази Баба ѝ се заблагодари на противпожарната бригада на Град Скопје за брзата интервенција во објектот на поранешниот дом за згрижување деца и младинци „Ранка Милановиќ“ кој вечерва беше опожарен
Околу 40-ина минути откако информира дека гори објектот на поранешниот дом за згрижување на деца и мадинци „Ранка Милановиќ“ во Општина Гази Баба, градоначалникот на општината, Бобан Стефковски потоа во објава на Фејсбук соопшти дека пожарот е целосно изгаснат.
„Пожарот кај поранешниот дом ‘Ранка Милановиќ’ е целосно изгаснат“,
пишува Стефковски на Фејсбук.
Градоначалникот додава дека пожарникарот Иво Цветковски кој утринава бил прогласен за пожарникар на годината, вечерва во пожарот спасил човечки живот.
Пожарникарот, додаде Стефковски, и самиот завршл со полесна повреда за време на интервенцијата.
„Им благодарам на командантот и целата единица на противпожарната бригада на Град Скопје која вечерва е на смена за брзата и енергична реакција“,
додава Стефковски .
Претходно вечерва, првиот човек на Општина Гази Баба информира дека гори објектот на поранешниот дом за згрижување на деца и мадинци „Ранка Милановиќ“, но дека нема повредени лица.
Во објавата на Фејсбук тој апелираше до надлежните институции да се преземат мерки за обезбедување на објектот кој, како што рече, е бесправно населен со цел во иднина да се спречат вакви и слични проблеми од кои можат да настанат сериозни последици.