Србинката била погодена со шрапнел во рамото и вечерва ќе биде оперирана во Турција
Една државјанка на Србија е ранета во денешниот напад во Истанбул, соопшти српскиот министер за надворешни работи, Ивица Дачиќ.
„Во денешната експлозија во Истанбул ранета е една наша државјанка. Станува збор за туристката Драгана Ристиќ од Ниш. Таа е надвор од животна опасност и се наоѓа во болница, каде вечерва ќе биде оперирана бидејќи шрапнел ја погодил во рамо“,
изјави Даниќ, соопшти српското МНР.
Оваа информација српските власти ја добиле од други српски туристи, додека официјална потврда од Истанбул сè уште нема.
„Оваа информација е од наши туристи што биле на местото на настанот и се јавиле во нашиот Генерален конзулат кој ќе им помогне на сите наши државјани. Генералната Конзулката Ивана Пејовиќ е во постојан контакт со нашата ранета државјанка. Ќе ја известиме јавноста за сите нови детали и развојот на настаните“,
вели Дачиќ.
Експлозијата се случи денеска попладне во 16:20 часот по локално време на познатата шопинг улица „Истиклал“ кај плоштадот Таксим. Загинаа најмалку шест лица, а 53 се повредени. Претседателот Ердоган во првото обраќање до јавноста рече дека иако не може да се тврди дека станува збор за тероризам, сепак првичните сознанија укажуваат дека ова мириса токму на тоа.