Српскиот епидемиолог Предраг Кон попладнево ги соопшти најновите информации во врска со коронавирусот во Србија, при што информираше дека во последните 24 часа регистрирани се седум смртни случаи со кои бројот на жртви се искачи на 51.
До денеска до 15 часот, бројот на нови заразени е 284 лица со кои вкупниот број достигна 1 908.
Според старосната структура на починатите во Србија, најголем број биле на возраст од 60 до 69 години – 19, од 70 до 79 години, пак, имале 10 од починатите, од 40 до 49 години – 9 жртви, додека останатите се над 80 години, јавува телевизијата Н1.