„Не постои ниту една хартија (документ н.з.) која би покажала такво нешто“, изјави денеска Вучиќ за време на посетата на Рашка на југот на Србија
Изјавата на Вучиќ доаѓа откако новинската агенција Ројтерс, повикувајќи се на информации од протечените доверливи документи на Пентагон, вчера објави дека Србија се согласила да испрати оружје во Украина или веќе го испратила
Српскиот претседател Александар Вучиќ денеска изјави дека Србија Претседателот на Србија, Александар Вучиќ изјави дека „Србија не извезувала и нема да извезува оружје во Украина, како и дека тоа досега не го правела и нема да го прави ниту во таа земја, ниту во Русија.
„Не постои ниту една хартија (документ н.з.) која би покажала такво нешто“,
изјави Вучиќ за време на посетат на Рашка на југот на Србија, пренесува регионалниот сервис на Радио Слободна Европа (РСЕ).
Изјавата на Вучиќ доаѓа откако новинската агенција Ројтерс, повикувајќи се на информации од протечените доверливи документи на Пентагон, вчера објави дека Србија се согласила да испрати оружје во Украина или веќе го испратила.
Министрите за одбрана и за надворешни работи на Србија, Милош Вучевиќ и Ивица Дачиќ, истиот ден ја демантираа веста.
Во врска со овие наводи се огласи и амбасадата на САД во Србија, која во одговор за Радио Слободна Европа наведува дека има сознанија дека Србија не извезува оружје во Украина.
Претседателот Вучиќ денеска рече дека е „сосема сигурно“ дека српската муниција ќе се појави „на едната или другата страна на бојното поле“ во Украина, иако е извезена во Турција, Шпанија или Чешка.
Вучиќ рече дека фабриките на српската наменска индустрија имаат договори од стотици милиони евра за извоз на оружје и муниција и дека нема да се откажат од тоа.
„Ќе продолжиме да инвестираме во производство и фабрики и ќе продолжиме да извезуваме таму каде што е дозволено. Тие гледаат една граната (во Украина), еден куршум. Па што, и каде треба да се појават, има неколку воени зони во светот. Муницијата се користи во војни за убивање луѓе“,
рече Вучиќ.
Тој повтори дека Србија е воено неутрална и нема да го промени тој став.
Документот на кој се повикува Ројтерс, кој е резиме на одговорите на европските влади на барањата на Украина за воени обука или оружје, е меѓу десетиците доверливи документи објавени на интернет во последниве недели во, како што се наведува, најсериозно одавање на воени тајни на САД во последните години.
Србија е единствената меѓу 44 земји во Европа која одбива да воведе санкции против Русија и покрај бројните повици кои доаѓаат од Европската Унија и Вашингтон.