Бројот на загинати во ерупцијата на индонезискиот вулкан Семеру, според последните информации, се зголеми од 22 на 34 лица, а 17 лица се водат за исчезнати
Бројот на загинати во ерупцијата на индонезискиот вулкан Семеру, според последните информации, се зголеми од 22 на 34 лица, соопшти портпаролот на Агенцијата за справување со катастрофи, а 17 лица се водат за исчезнати.
„Според последниот биланс, загинати се 34 лица, а 17 се водат за исчезнати“,
рече портпаролот на Агенцијата за справување со катастрофи.
До ерупцијата на вулканот дојде во саботата, кога повеќе од 10 села беа покриени со пепел и подоцна уништени.
Речиси 2 000 луѓе беа принудени да ги напуштат своите домови поради катастрофата. Тие добија привремено засолниште во џамии и владини канцеларии, меѓу другите локации, соопшти Агенцијата за справување со катастрофи на Индонезија.
Последната ерупција на овој вулкан се случи во јануари, кога немаше жртви.