Владата ги задолжи Министерството за одбрана, Армијата и МВР да подготват план за евентуално воведување многу порестриктивни мерки за движењето на граѓаните
За граѓаните кои се затекнати во други држави а сакаат да се вратат во земјава, ќе се подготви посебен план за хуманитарни летови, но по враќањето тие ќе мора да одат во карантин, напиша техничкиот премиерот Оливер Спасовски на својот профил на Фејбук, каде информираше за одлуките од вечерашната владина седница.
„На оваа седница ја разгледавме и информацијата на Министерството за надворешни работи за бројот на наши државјани кои оваа ситуација ги затекна во други држави. За да им се обезбеди можност да се вратат во земјата, ќе се подготви посебен план за хуманитарни летови, а нивна законска обврска ќе биде кога ќе се вратат да прифатат дека ќе мора да поминат соодветен број денови во карантински услови за нивна и за безбедност на сите останати граѓани“, напиша Спасовски.
Покрај тоа Владата ги задолжи Министерството за одбрана, Армијата и Министерството за внатрешни работи да подготват анализа и план за евентуално воведување многу порестриктивни мерки за движењето на граѓаните.
„Врз основа на нивните анализи, Владата ќе донесе соодветни одлуки,
напиша Спасовски.
Дека Владата ја разгледува опцијата за воведување полициски час односно ограничување на движењето на граѓаните во вечерните часови, информираше и техничкиот министер за внатрешни работи Наќе Чулев.