Поремиерот Оливер Спасовски, во неговото вечерашно гостување во емисијата „Вин-вин“ на Телма ТВ, најави дека секој оној кој ќе биде фатен дека ја прекршува наредбата за изолација ќе се префрла во центрите за карантин.
„Секој кој нема да биде во самоизолација, при проверка на полиција, директно ќе се носи во центро за изолација. Овие мерки ќе ги воведеме од утре. Затоа апелирам, граѓаните да ги испочитуваат мерките бидејќи нема да има пардон за никој. Никој не смее да го загрозува животот на граѓаните. Ќе има и кривични санкции и карантин“,
соопшти Спасовски.
Ваквиот чекор на Владата, ќе следува откако во изминатите денови се открија триесетина случаи на прекршување на наредбата за самоизолација на лицата кои се враќаат од високо и средноризичните земји со коронавирус.
На прашањето колкав може да достигне бројот на заразени, Спасовски рече дека никој не може да направи реални проценки.
„Епидемиолозите и сите оние кои работат во здравствениот систем прават скрининг на секој поединечен случај и врз основа на тоа се издаваат конкретни мерки. Во Дебар практично брачниот пар што се врати од Италија никој од 12-те во комбето не беа заразени. И во Скопје како потенцијална можност да се разнесе локалната трансмисија луѓето се ставени во изолација. Многу е важно колку сите ние ќе се придржуваме кон мерките на Владата. Само со почитување на тие мерки нема да дозволиме прогресија и ширење на коронавирусот“,
рече тој.