Овој фронт за борба против корупцијата, не значи формирање на нова институција, ниту пак збир од институции кои ќе го прават тоа, туку воспоставување на на механизми за еднакво функционирање во текот на целиот процес на преземање на активности и отстранување на недостатоците со кој се соочуваме во сите сегменти, рече министерот за внатрешни работи, Оливер Спасовски во гостување на ТВ Сител.
Тој вели дека борбата против криминалот и корупцијата нема да биде ефикасна за јавноста доколку нема краен исход, но и доколку не се видат резултати на правдата односно доколку судот утврди дека некое лице стекнало нешто на криминален начин, а стекнатото нема да биде одземено и вратено во државата. Затоа, задача на МВР е да се отстранат пречките онаму каде што ги има.
“Многу процесни дејствија коишто се преземаат во предистражната и истражната постапка, треба да бидат забрзани, да бидат скратени. Треба да бидеме ефикасни. И најважно од се што е – институциите за спроведувањето на Законот да функционираат под иста процедура”,
рече Спасовски.