Премиерот Оливер Спасовски во интервју за „360 Степени“ зборуваше за можноста за одлука за почеток на преговори со ЕУ на крајот на овој месец.
„Ние направивме се за да ги исполниме критериумите за да бидеме земја којашто ќе ги започне преговорите за членство. Дополнително го донесовме и законот за Јавно обвинителство како плус аргумент. Посветеноста на владата, јакнењето на интензитетот на реформскиот процес, продолжувањето по тој европски пат се потврди и со извештајот на ЕК за напредокот на С. Македонија во којшто нема ниту една забелешка и со право сакаме и очекуваме да бидеме земја којашто ќе ги започне преговорите за членство со ЕУ. Јас не сакам да звучам ниту песимистчки, ниту да бидам преголем оптимист. Јас сакам да бидам реален дека навистина се исполнети сите критериуми да очекуваме дека тоа може да се случи сега на Европскиот совет, но сепак би ја почекал одлуката, заради тоа што таму се носат одлуките со консензус и не би сакал да доживееме разочарување“,
рече Спасовски.