Премиерот Ковачевски, како што информираа од Владата, ќе се обрати во рамки на Самитот, а според агендата, неговото обраќање ќе биде околу 16:00 часот по локално време, односно околу 22:00 часот по македонско време
Освен премиерот, на отворањето на Самитот присуствуваа и министрите за надворешни работи и за образование и наука, Бујар Османи и Јетон Шаќири, амбасадорот на постојаната мисија на Република Северна Македонија во ОН во Њујорк, Љубомир Фрчковски, шефот на кабинетот на премирот, Мартин Попов и советникот за надворешни работи, Едмонд Адеми
Почнаа активностите на Самитот за трансформација на образованието во рамките на 77. Генерално Собрание на Организацијата на ООН во Њујорк, информираат од прес-центарот на Владата.
На отворањето на Самитот, како што додаваат оттаму, присуствуваа премиерот Димитар Ковачевски, министрите за надворешни работи и за образование и наука, Бујар Османи и Јетон Шаќири, амбасадорот на постојаната мисија на Република Северна Македонија во ОН во Њујорк, Љубомир Фрчковски, шефот на кабинетот на премирот, Мартин Попов и советникот за надворешни работи, Едмонд Адеми.
„Настанот започна со воведно обраќање на Генералниот секретар на Организацијата на Обединети Нации, Антонио Гутереш, а продолжува во текот на денот со дебата во чиј фокус се националните цели за обезбедување на квалитетно и достапно образование за секое дете“,
се наведува во владиното соопштение.
Премиерот Ковачевски ќе се обрати во рамки на Самитот, а според агендата, неговото обраќање ќе биде околу 16:00 часот по локално време, односно околу 22:00 часот по македонско време.
На Самитот за трансформација на образованието учествуваат над 90 лидери на шефови на држави и влади, кои ќе дебатираат за најдобрите начини на унапредување на образовните системи во земјите.