Угостителските објекти кои имаат тeраси од утре ќе можат да почнат со работа, но ќе треба да ги исполнат протоколите и препораките за растојание, заштитна опрема и дезинфекција. Другите угостители ќе можат да отворат подоцна, но откако ќе се утврди како ќе се почитуваат препораките, соопшти денеска министерот за економија Крешник Бектеши.
Работното време ќе биде до 20 часот, на секоја маса ќе може да има по 4 лица, ќе мора да се носи опрема за лична заштита и да се обезбеди дезинфекција и на објектот и на гостите.
„Ние имавме подготвен протокол од Комисијата за заразни болести, кој предвидува три фази во отворањето на угостителските објекти. Вчерашната одлука на Владата е реализација на втората фаза. Ќе ја следиме ситуацијата и како се почитуваат протоколите ќе се реализира и третата фаза за отворање на објектите и во затворен простор“,
рече Бектеши.