Со два лета, од Виена и Базел денеска треба да се вратат две групи македонски државјани, по што ќе бидат упатени во државен карантин кој е задолжителен за секој граѓанин што доаѓа од странство.
Летовите на својот профил на Фејсбук ги најави министерот за надворешни работи Никола Димитров.
„На летовите кон Виена и Базел ќе однесеме странски, а дома ќе вратиме македонски државјани“,
посочува Димитров.
Вчера, исто така, имаше два чартер-лета за наши граѓани кои се најдоа затекнати во Германија. Од Берлин слетаа 176 патници, меѓу кои и три дечиња.
За синоќа околу полноќ беше најавен и лет од германскиот град Бон со околу 180 патници.