Истражувањата покажуваат дека понекогаш речиси половина од населението во големите, густо населени градови има антитела за коронавирусот, но не и имунитет на стадо
Помалку од 10 отсто од светската популација има антитела за коронавирусот, а вакцинацијата е единствениот начин да се постигне имунитет на стадо, тврди Сумија Суминанатхан, главен истражувач во СЗО.
Во интервјуто, објавено на твитер-профилот на организацијата, Суминанатхан вели дека СЗО ги следи студиите што ги анализираат жариштата на инфекцијата во некои градови низ светот.
Иако истражувањата покажуваат дека понекогаш речиси половина од населението во големите, густо населени градови има антитела за коронавирусот, ова не значи дека со сигурност може да се зборува за постигнување имунитет на стадо.
„СЗО ги следи овие сероепидемиолошки студии и ако ги погледнеме заедно, ќе видиме дека помалку од 10 отсто од светската популација има антитела кон вирусот“,
рече Суминанатхан.
Единствениот начин да се постигне имунитет на стадо во целиот свет е преку вакцинација, тврди Суминанатхан.
