Словенечката влада објави дека во земјата се потврдени 36 нови случаи на лица заразени со коронавирусот.
Како што јави МИА од Љубљана, изминатите 24 часа се тестирани вкупно 1 234 граѓани.
Со последните податоци се потврдува трендот на стабилизирање на бројот на новозаразени, што според стручните лица е доказ дека е спречено неконтролираното ширење на заразата.
Од болница се отпуштени уште девет лица кои оздравеле.
Од сите заразени на болничко лекување се наоѓаат 106 пациенти од кои 36 се на одделенијата за интензивна нега. Како последица на ковид-19, во изминатото деноноќие починаа две лица.
Вкупниот број на заразени со коронавирус во Словенија е 1 124 лица и 43 починати.