„Доколку има одобрено ембарго на руската нафта како дел од дополнителниот пакет санкции против Русија, тогаш Словачка ќе бара изземање“, изјави словачкото министерството за Ројтерс, во пресрет на финализирање на шестиот пакет санкции против Русија од страна на ЕУ
Словачка ќе бара ослободување од какво било ембарго на руската нафта договорено од Европската Унија во следниот пакет санкции против Москва поради инвазијата на Украина, објави словачкото Министерство за економија.
Денеска се очекува Европската комисија да го финализира воведувањето на најавениот шести пакет санкции против Русија, a во меѓувреме Словачка ја доби речиси целата увезена нафта од Русија, а има резерви за 120 дена.
„Доколку има одобрено ембарго на руската нафта како дел од дополнителниот пакет санкции против Русија, тогаш Словачка ќе бара изземање“,
изјави Министерството за Ројтерс.
И Унгарија и Словачка се во голема мера зависни од руската нафта, а претходно и Унгарија соопшти дека ќе се спротивстави на енергетските санкции.
Претходно двајца министри во владата на германскиот канцелар Олаф Шолц изјавија дека Германија ќе биде подготвена да ја поддржи забраната на Европската Унија за увоз на руска нафта, додавајќи дека земјата може да живее без руска нафта до крајот на годинава.
„Германија не е против забраната за нафта за Русија. Се разбира, тоа е тежок товар, но ние би биле подготвени да го направиме тоа“,
изјави германскиот министер за економија, Роберт Хабек.