Жителите на Скопје-Север, по 24 часовно смрзнување, ќе добијат парно греење. Ова го изјави директорот на Топланата „Скопје-Север“, Куштрим Рамадани.
Во изјава за ТВ 24 тој вели дека граѓаните треба да бидат спокојни бидејќи се обезбедени пари за набавка на гас за наредните 10 дена. Тој најави преговори со ЕСМ за да се најде трајно решение.
Изминатиот ден корисниците на парно греење од оваа топлана остана со студени радијатори откако „Скопје-Север“ вчера ја запре испораката, бидејќи нема пари за купување гас.
Инаку проблемот настана кога раководството на оваа Топлана одби да го потпише договорот со ЕСМ, со кој требаше да се обезбедат пари за набавка на гас.
Услугите на оваа топлана ги користат 500 домови, 13 училишта, градинките и здравствените домови во Чаир, Бутел и Топаана.