Главниот град е сè уште на врвот по број на активни ковид-случаи, а со последните статистики во Скопје има 1 335. Втора на листата е Штип со точно 400 активни случаи, а веднаш потоа Гостивар со 326. Во Куманово има 276 случаи на ковид-19, а уште пет други градови се со по над 100 активни случаи. (Струга – 195, Тетово – 190, Дебар – 127, Кичево – 116 и Свети Николе – 114).
Со високи двоцифрени бројки се и Охрид – 89, Кавадарци – 88 и Битола – 72. Во Прилеп во моментов има 49 активни случаи, а 40 во Македонски Брод. За десет помалку или 30 активни случи брои Демир Хисар, а нешто помалку односно 26 има во Виница. Во Струмица активни носители на вирусот има 25, во Кочани 24, во Велес 23 и во Пробиштип 21.
Во Ресе е значително намалена бројката и сега изнесува 17 ковид-случаи, додека во Гевгелија активни се 13, од кои 7 се жители на Дојран и 3 на Богданци. Во Крива Паланка има 12 активни случаи на ковид, а во Неготино вкупно 11 од кои дури 10 се жители на Демир Капија.
Во моментов со најмалку активни случаи се Радовиш со 10, Крушево со 7, Берово и Кратово со по 4, Делчево со 3, Валандово со 1, а Пехчево е без ниту еден активен случај на новиот коронавирус.
Вкупната бројка на ковид дијагностицирани во нашата земја од почетокот на епидемијата изнесува 11 839, а бројката на оздравени пациенти е 7 664.
Битката ја изгубија 527 пациенти, а во моментов вкупниот број на активни случаи во земјата изнесува 3 648.