Претседавачот со седницата, Росен Желјазков постојано ги предупредуваше пратениците да не откриваат доверливи информации преку своите телефони, но тие возвратија дека едноставно ги држат телефоните во свои раце. На седницата пратениците расправаа за испраќање на воена помош од Бугарија за Украина, на што се против Бугарската социјалистичка партија
Скандал избувна на денешната седницата на бугарскиот парламент, кога пратениците од пратеничката група на Бугарската социјалистичка партија (БСП) директно преку своите мобилни телефони во живо на социјалните мрежи ја пренесуваа седницата на која требаше да се расправа за испраќање на воена помош за Украина.
Седницата поради класифицираноста на дел од материјалите беше затворена за јавноста.
„Нема да успее, не разбирате“,
извика Бојко Клечков од БСП, пренесува бугарската новинска агенција БГНЕС.
Претседавачот со седницата, Росен Желјазков постојано ги предупредуваше пратениците да не откриваат доверливи информации преку своите телефони, но тие возвратија дека едноставно ги држат телефоните во свои раце.
Социјалистите инсистираат на свикување Претседателски совет на кој ќе бидат повлечени двете точки за воената помош.
„Обезбедувањето оружје е ризик за вовлекување на Бугарија како земја во војна. Сакаме отворен состанок, народот се да разбере. Врховниот командант Радев и министерот за одбрана да дојдат во Народното собрание“,
изјави претседателката на БСП, Корнелија Нинова.
На крајот, како што јавува БГНЕС било одлучено средбата да биде отворена и да започне по кратка пауза. Документите означени како доверливи нема да бидат дел од расправата.