Напишана на англиски јазик, македонската претседателка во честитката, вели оти со нетрпение ја очекува идната соработка со новата претседателка на Бугарија заснована на, како што наведува, взаемна почит, отворен дијалог и искрено партнерство
Претсдателката на државата Гордана Сиљановска-Давкова има ја честита изборната победа на бугарската претседателка Илијана Јотова и на потпретседателот Кирил Валчев, по вчерашниот втор круг од претседателките избори во Бугарија.
Честитката во име на македонските граѓани и во нејзино лично, име Сиљановска-Давкова ја упати преку објава на социјалната платформа Икс.
„Во име на македонските граѓани и во мое лично име, срдечно им честитам на претседателката Илијана Јотова и на потпретседателот Кирил Валчев за нивната изборна победа. Успехот на претседателката Јотова ја одразува волјата на бугарскиот народ. Уверена сум дека за време на нејзиниот мандат Бугарија ќе има конструктивна улога во нашиот регион и во Европа“,
вели Сиљановска-Давкова во честитката.
Напишана на англиски јазик, македонската претседателка во неа вели оти со нетрпение ја очекува идната соработка со новата претседателка на Бугарија заснована на, како што наведува, взаемна почит, отворен дијалог и искрено партнерство.
„Со добра волја можеме да ги надминеме актуелните предизвици, да ги зајакнеме македонско-бугарските односи и да придонесеме за мирот, стабилноста и просперитетот“,
додава македонската претседателка во честитката.
On behalf of the Macedonian citizens and in my own name, I cordially congratulate President Iliana Iotova and Vice President Kiril Valchev on their election victory. The President Iotova’s success reflects the will of the Bulgarian people. I am confident that, under her presidency, Bulgaria will play a constructive role in our region and Europe. I look forward to working together in mutual respect, open dialogue and genuine partnership. In good faith we can overcome existing challenges, strengthen Macedonian-Bulgarian relations, and advance peace, stability and prosperity.
— Гордана Сиљановска Давкова (Gordana Siljanovska) (@gogamkd) November 1, 2026
Извесната победа на Илијана Јотова и на кадидатот за потпретседател на Бугарија, Кирил Валчев ја покажуваат и последните податоците на Централната изборна комисија (ЦИК). Според нив, двоецот Јотова/Валчев во вчерашниот втор круг од претседателските избори освоил 57,581 отсто од гласовите или во бројки 1 093 564 гласови. Нивните противкандидати Андреј Ѓуров (за претседател) и Георги Кандев (за потпрерседател), според 99,95 отсто од обработените избирачки места освоил 749 543 гласови или 39,467 проценти.
Јотова синоќа на прес-конференција им се заблагодари на гласачите, на Иницијативниот комитет што ја номинираше и на партиите што ја поддржаа, ветувајќи дека ќе успее да ја надмине политичката поделба во бугарското општество, пренесе бугарската национална телевизија – БНТ.
Таа особено му се заблагоради на премиерот на земјата Румен Радев и неговата политичка групација „Прогресивна Бугарија“.