Точно 497 лица досега починале во Шпанија од коронавирусот, од кои 155 во изминатите 24 часа.
Шпанија е втората најпогодена земја во Европа од коронавирусот, веднаш во Италија. Порасна и бројката на нови заразени пациенти и се искачи над психолошкиот праг од 10 000 случаи, соопшти шефот на здравствената служба Фернандо Симон.
Шпанските власти информираа дека 1028 пациенти се излекувани.
Од вестите од Европа во врска со коронавирусот, во Франција, пак, се постави рекорд во следењето на вонредно обраќање на еден француски претседател.
Синоќешното телевизиско обраќање на Емануел Макрон било проследено од вкупно 35,3 милиони гледачи, а се емитувало на сите канали истовремено (ТФ1, Франс 2, Франс 3, M6, Ц8, ТМЦ, Екип, БФМТВ, ЛЦИ, ЦЊуз и Франсинфо).
„Ова е апсолутен рекорд за телевизиско обраќање интервенција на еден француски претседател“ соопштиле од „Медиаметри“, органот задолжен да ја мери гледаноста на телевизиските канали.