Шпанија во финалето, кое е закажано за 14 јули на Олимпискиот стадион во Берлин, ќе игра со подобриот од дуелот меѓу Англија и Холандија, натпревар кој е закажан за утре
Репрезентацијата на Шпанија е првиот финалист на Европското фудбалско првенство во Германија.
Шпанските фудбалери, вечерва во првиот полуфинален натпревар што се играше во Минхен, ја победија репрезентацијата на Франција со 2:1.
Французите први дојдоа до водство уште во деветата минута од натпреварот со голот на Коло Муани кој топката ја стави во мрежата на Унаи Симон откако Мбапе му асистираше. Ова беше и единствениот погодок на Французите од игра на ова Европско првенство.
Водството на Французите траеше до 21. минута, откако најмладиот играч Ламин Јамал, од 25 метри шутираше кон голот на Мањан и донесе израмнување на резултатот.
До резултатски пресврт дојде четири минути подоцна, односно во 25. минута од натпреварот, кога Дани Олмо постигна гол за Шпанија.
Овој резултат остана до крајот на натпреварот и покрај тоа што Французите во второто полувреме имаа обид за израмнување преку Мбапе кој лошо шутираше.
Во второто полувреме Шпанија немаше посериозна шанса за да дојде до уште еден гол и за поголемо водство.
Шпанија во финалето, кое е закажано за 14 јули на Олимпискиот стадион во Берлин, ќе игра со подобриот од дуелот меѓу Англија и Холандија, натпревар кој е закажан за утре.