Соговорниците разговараа за пост-изборниот амбиент и можните политички опции за задржување на евроинтегративниот курс, пишува во соопштението од средбата
Вицепремиерката и министерка за одбрана Радмила Шекеринска, министерот за надворешни работи Никола Димитров и националниот координатор за евроинтеграции Бојан Маричиќ, денеска остварија средба со амбасадорот на Делегацијата на ЕУ во земјава, Самуел Жбогар и амбасадорката на САД, Кејт Брнз.
Како што се наведува во соопштението на МНР, на средбата се разговарало за резултатите од изборите и било посочено дека тие беа успешно спроведени и претставуваат голема потврда на европскиот и евроатлантскиот пат.
„Соговорниците разговараа за пост-изборниот амбиент и можните политички опции за задржување на евроинтегративниот курс. Тие се согласија дека императивот на наредната влада треба да биде континуитетот на тој пат, како и посветеноста на владеењето на правото, економскиот развој и понатамошните реформи“,
се вели во соопштението.