Тој се е осомничен дека на 10 јануари во рок од половина час (од 6:45 до 7:15 часот) со својата пушка усмртил седум кучиња скитници, информираа денеска од СВР Охрид преку писмено соопштение
Во меѓувреме, здружението за заштита на животните, „Анима мунди“ заедно со другите здруженија од овој тип, како и независните активисти и љубители на животни, денеска упатија отворено писмо до министерот за внатрешни работи Оливер Спасовски откако, како што посочија, за помалку од 24 часа во Струга се убиени повеќе од дваесетина бездомни кучиња
Шеесет и двегодишник со иницијали М.З. од струшкото село Ливада вчера бил повикан на службен разговор во Надворешната канцеларија за криминалистички работи Струга. Тој е осомничен дека на 10 јануари во рок од половина час (од 6:45 до 7:15 часот) со својата пушка усмртил седум кучиња скитници, информираа денеска од СВР Охрид преку писмено соопштение.
„Од него е одземена ловечка пушка сачмарка калибар 16 милиметри за вештачење. По целосно документирање на случајот ќе биде поднесена соодветна пријава“,
се додава во соопштението на СВР Охрид.
Здружението за заштита на животните „Анима мунди“ вчера информира дека во Струга се убиени десетици маалски бездомни кучиња, а во објавата објави и видеоснимка на која се гледаат трупови на убиени кучиња натоварени на камион. Жителите на Струга, додаваат оттаму, и денеска се разбудија со истрели, а тоа, според нив, значи дека убијците на животните нема да ги сопрат своите намери.
Поради тоа, „Анима мунди“ заедно со другите здруженија од овој тип, како и независните активисти и љубители на животни денеска упатија отворено писмо до министерот за внатрешни работи Оливер Спасовски откако, како што посочија, за помалку од 24 часа во Струга се убиени повеќе од дваесетина бездомни кучиња.
„Полициските службеници при увид одбиле да повикаат јавен обвинител и одбиле да ги пратат лешовите на обдукција бидејќи била скапа. При обдукцијата во ветеринарна станица во Битола, СВР Битола одбил да го преземе доказниот материјал – куршумите бидејќи не било нивна работа. Како МВР планира да открие кои се каубои во Струга кои искористиле цел арсенал муниција од кои седум куршуми во едно куче?“,
наведуваат од „Анима мунди“ во писмото до Спасовски.