Од Синдикалната организација на Државниот испитен центар (ДИЦ), кој веќе две недели е во генерален штрајк со барање за зголемување на платите, вчера на прес-конференција изјавија дека веќе е невозможно да се реализираат роковите за полагање на државната матура
Министерот за образование и наука Јетон Шаќири е дециден дека државна матура мора да се полага на 27 мај. За да се реализира процесот, ако е потребно, ќе се вклучат и вработените од МОН, најави министерот во Дневникот на ТВ Сител.
„Да се реализира државната матура и да се причека општиот колективен договор, а потоа и другите синдикати ќе комуницираат со институциите за потпишување на гранските колективни договори. Мора да има полагање државна матура на 27 мај. МОН се вклучи во процесот на решавање на проблемот. За утре е најавен нов состанок на синдикатот. Ако утре најдат решение, ќе очекувам од диреторката на Државниот испитен центар да достави барање да дадеме вработени од МОН, само државната матура да се реализира во рокот, на 27 мај“,
нагласи Шаќири.
Од Синдикалната организација на Државниот испитен центар (ДИЦ), кој веќе две недели е во генерален штрајк со барање за зголемување на платите, вчера на прес-конференција изјавија дека веќе е невозможно да се реализираат роковите за полагање на државната матура. Затоа, тие побараа од надлежните институции да излезат во пресрет на нивните барања и истовремено да се пролонгираат роковите за полагање на државната матура.